Аккорды Walter Di Gemma - El Pret De Ratanaa

[Verse 1]

A      E             A         E             A
In la via Fratelli Zoia col sò òrt e la soa cà
           F#m          Bm7         E       A
el viveva senza tònega on lunatic scior curaa
     A          D            E              A
Coi decòtt i benefizzi el donava a cent curios
       F#m          B7           E          A
che da lu con sacrifizzi se fiondaven fiducios.

[Chorus]

E       A          E                       A
Don Giuseppe Gervasini detto “Pret de Ratanaa”
     F#m                Bm7          E           A
coi sanguett e cent impiaster el guariva i sò malaa.
           E              A       E      A
Senza dì l’Ave Maria ie ciappava sòtta brasc
         D         A          E         A
con ‘na longa terapia de centmilla parolasc!

[Bridge]

   C#                   F#m          C#             F#m
“…Ohej ti donna imbellettada, el rossett che te ghee su
       E              A             B            E
saria mej che tel mettèset non sui laber ma sul cùu!…
    A                   E             A        E     A
….Ciapa ‘l manic de la vanga, minga quell del tò Marcell
           D        A                 E            A       F  A#  E  A
va a streppamm l’erbetta marscia e rivòltom l’ortisell!”

[Verse 2]

    A              D             E            A
On bell dì gh’è rivaa denter on omett paralizzaa,
          F#m            Bm7          E             A
el gh’ha dii : “Mi sògni semper de podè imparà a novà!”
        A             D           E            A
Senza ciaccer, né consili, su la Ripa l’ha portaa;
        F#m              B7       E              A
l’ha rusaa giò in del navili e…Miracol…l’ha imparaa!

[Chorus]

E       A          E                       A
Don Giuseppe Gervasini detto “Pret de Ratanaa”
     F#m                Bm7          E           A
cont i ris’c e cent disaster el guariva i sò malaa
           E              A       E      A
Senza dì l’Ave Maria ie ciappava sòtta brasc
         D         A          E         A
con ‘na longa terapia de centmilla parolasc!

[Bridge]

      C#             F#m           C#            F#m
On vegett de via Marghera el gh’ha dì:” Pietà Signor,
          E            A                B          E
gh’ho in del còll mattina e sera ona valanga de dolor….”
    A                    E               A         E      A
Guarda nò i tosann per strada, quand s’è vècc l’è semper mòll;
        D           A              E             A     F  A#  E  A
te concludet mai nagott e poeu te vègn el stòrtacòll!

[Verse 3]

     A                D                 E          A
El prevòst in de la stòria el sò pòst l’ha conquistaa
        F#m              Bm7               E          A
per on fatt che in la memòria de la gent l’è anmò restaa…
     A            D                 E              A
In quel dì ormai leggendari sora’l tram di Fòrz Armaa
         F#m             B7            E              A
el s’è accòrt el bigliettari ch’el prevòst l’ha nò pagaa!
       A                B             E                A
El gh’ha dii: Scior reverendo, me dispias, ch’el vaga giò!
      F#m              Bm7                E               A
Lu l’ha dii : Va beh, io scendo ma’l tranvai per mi el va nò!
      A           D           E               E7          A
L’è staa inscì ch’el scior vicari l’è ‘ndaa giò senza fiadà
           D            A                E7          A
ma ‘l tranvai sora i binari tutt el dì l’è staa bloccaa !!!

[Outro]

   A7         E      Bm7            E7            A
In la via Fratelli Zoia gh’è anmò l’òrt, anmò la cà.
        F#m                 Bm7            E          A
On quaj vun l’ha dii : Che nòia senza el Pret de Ratanaa!
   A7          E         Bm7          E7             A
In compens gh’hinn cartomanti che soddisfen tutt i voeuj;
      F#m                   Bm7           E     A
de miracol ne fann tanti…ma fann mal al portafoeuj!!!